ალექსანდრე ლუკაშენკო - ათას ოცჯერ ვთქვი, რომ უკრაინაში ომს არ ვგეგმავთ, ბელარუსებისთვის გენეტიკურ დონეზე მიუღებელია ომი

ათას ოცჯერ ვთქვი, რომ უკრაინაში ომს არ ვგეგმავთ, ბელარუსებისთვის გენეტიკურ დონეზე მიუღებელია ომი , - ამის შესახებ ბელარუსის პრეზიდენტმა, ალექსანდრ ლუკაშენკომ ინფორმაციულ სფეროსა და მედიის ქმედებებთან დაკავშირებულ დღეს გამართულ შეხვედრაზე განაცხადა.

ლუკაშენკომ აღნიშნა, რომ ბელარუსი უკრაინაში მხოლოდ იმ შემთხვევაში შევა, თუ უკრაინა ბელარუსის წინააღმდეგ თავად დაიწყებს საბრძოლო მოქმედებებს.

ბელარუსის პრეზიდენტმა განაცხადა, რომ მისი ქვეყნიდან „გაქცეული ოპოზიცია“ და მისი მხარდამჭერები ბელარუსების ემოციებით თამაშობენ, როცა აცხადებენ, რომ ბელარუსი უკრაინასთან ომში ჩართვას აპირებს.

„ათას ოცჯერ ვთქვი, უკრაინაში ბრძოლა ჩვენს გეგმებში არ შედის. ახლა ეს ცხელი თემაა. ბელარუსებისთვის ომი გენეტიკურ დონეზე მიუღებელია. ახლა მათ ამაზე დაიწყეს ჩაჭიდება და ჩვენ წყნარად უნდა ვუპასუხოთ", - განაცხადა მან.

ლუკაშენკომ ასევე აღნიშნა, რომ ოპოზიციის წარმომადგენლები უკრაინაში ბრძოლისთვის მოხალისეთა ჯგუფებს ქმნიან და უკრაინაში მიმდინარე ომში მონაწილეობაში ოპოზიციონერები თავად დაადანაშაულა.

ბელარუსის პრეზიდენტმა აღნიშნა, რომ ბელარუსის ომში სავარაუდო ჩართვის შესახებ უცხოეთში გაკეთებული განცხადებების მიზანი "საზოგადოებრივი აზრის მომზადებაა იმისათვის, რომ ომში ჩაგვითრიონ“.

დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
ქართული პრესის მიმოხილვა 02.12.2022
ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება
სრულიად ახალი Toyota Corolla Cross
„ფარმადეპო“ მომხმარებლებს მედიკამენტებზე გარანტირებულად ყველაზე ხელმისაწვდომ ფასს სთავაზობს
საქართველოს უნივერსიტეტის ქართულ-ამერიკული კინოაკადემია აცხადებს კონკურსს „ვეფხისტყაოსანის“ ილუსტრაცია
საუკეთესო შეთავაზებები "სამსუნგის" მხოლოდ ოფიციალურ ტელევიზორებზე