დმიტრო კულება - რუსეთის ფედერაციასთან კონსენსუსი არ არსებობს

რუსეთის ფედერაციასთან კონსენსუსი არ არსებობს, - ასე გამოეხმაურა უკრაინის საგარეო საქმეთა მინისტრი, დმიტრო კულება თურქეთის პრეზიდენტ რეჯეფ თაიფ ერდოღანის მიერ რუსეთსა და უკრაინას შორის მოლაპარაკებების შესახებ გაკეთებულ განცხადებას, რომლის თანახმადაც, „უკრაინა და რუსეთი ომის დასასრულებლად 6-დან 4 საკვანძო საკითხზე კონსენსუსს უახლოვდებიან“. ინფორმაციას „უკრაინსკაია პრავდა“ ავრცელებს.

რუსეთ-უკრაინას შორის ომის პარალელურად მიმდინარე დიპლომატიური მოლაპარაკებების ერთ-ერთ თემაზე - უკრაინაში სახელმწიფო ენის სტატუსზე საუბრისას, კულებამ აღნიშნა, რომ „უკრაინაში ერთადერთი სახელმწიფო ენა არის და იქნება უკრაინული“.

„ჩვენი სახელმწიფო გულწრფელ მადლობას უხდის თურქულ მხარეს და ცალკე პრეზიდენტ ერდოღანს პოლიტიკური და ჰუმანიტარული დახმარებისთვის, ასევე დიპლომატიური ძალისხმევისთვის, რათა დასრულდეს რუსეთის ომი უკრაინის წინააღმდეგ. მნიშვნელოვანია სიტუაციის ობიექტურად შეფასება. თურქეთის პრეზიდენტის მიერ ნახსენებ ოთხ პუნქტში რუსეთთან კონსენსუსი არ არსებობს. კერძოდ, ერთადერთი სახელმწიფო ენა უკრაინაში არის და იქნება უკრაინული“, - აღნიშნა კულებამ.

მან ასევე განმარტა, რომ მოლაპარაკებების ძირითადი საკითხების ოთხ ან სხვა რაოდენობის პუნქტად კლასიფიკაცია არაკორექტულია. კულებას თქმით, მომლაპარაკებელ ქვეჯგუფებში ერთდროულად ბევრი საკითხი განიხილება.

"მოლაპარაკების პროცესი უკიდურესად რთულია. უკრაინის დელეგაციამ დაიკავა მტკიცე პოზიცია და არ თმობს თავის მოთხოვნებს. ჩვენ დაჟინებით ვითხოვთ, პირველ რიგში, ცეცხლის შეწყვეტას, უკრაინის უსაფრთხოებისა და ტერიტორიული მთლიანობის გარანტიებს. უკრაინა გააგრძელებს დიალოგს თურქეთთან და ყველა სხვა დაინტერესებულ მხარესთან, რათა აღდგეს მშვიდობა უკრაინის ტერიტორიაზე“, - აღნიშნა მინისტრმა.

მანამდე უკრაინის პრეზიდენტმა ვლადიმირ ზელენსკიმ განაცხადა, რომ რუსეთის ფედერაციის ულტიმატუმები უკრაინისთვის მიუღებელია. მისი თქმით, მათი მიღება შესაძლებელია მხოლოდ იმ შემთხვევაში, თუ უკრაინა განადგურდება.

ცნობისთვის, თურქეთის პრეზიდენტმა, რეჯეფ თაიფ ერდოღანმა დღეს განაცხადა, რომ „უკრაინა და რუსეთი ომის დასასრულებლად 6-დან 4 საკვანძო საკითხზე „კონსენსუსს“ უახლოვდებიან“.

თურქეთის ლიდერმა აღნიშნა, რომ კონსენსუსი თითქმის მიღწეულია ისეთ საკითხებთან დაკავშირებით, როგორიცაა ნატო, განიარაღება, კოლექტიური უსაფრთხოება და „რუსულის ოფიციალურ ენად გამოყენება ტექნიკურ ინფრასტრუქტურულ სამუშაოებში ბელორუსში მიმდინარე პროცესის დროს“.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება