ვოლოდიმირ ზელენსკი - მარიუპოლში ვითარება აბსოლუტურად ტრაგიკულია - პლანეტაზე ყველამ უნდა იცოდეს, რას აკეთებს რუსეთი

უკრაინის პრეზიდენტის, ვოლოდიმირ ზელენსკის განცხადებით, მარიუპოლში ვითარება აბსოლუტურად ტრაგიკულია, რადგან ოკუპანტები ქალაქში ჰუმანიტარულ ტვირთს არ უშვებენ.

მისი თქმით, ერთი კვირის განმავლობაში ბლოკირებული ქალაქებიდან 18 ჰუმანიტარული დერეფანი მოეწყო და 37 606 ადამიანი გამოიყვანეს. აქედან, მარიუპოლიდან ზაპოროჟიემდე 26 477 მოქალაქე ჩაიყვანეს.

"ქალაქში ვითარება აბსოლუტურად ტრაგიკულია. რუსი სამხედროები არანაირ ჰუმანიტარულ ტვირთს არ უშვებენ. ისინი მარიუპოლის მცხოვრებლებს თავიანთ პროპაგანდისტულ სპექტაკლებში იყენებენ, თითქოს, დაიწყეს ხალხისთვის რაღაცის დარიგება", - განაცადა პრეზიდენტმა ზელენსკიმ.

მისი თქმით, ის გააგრძელებს სხვა ქვეყნების ხალხების დეტალურად ინფორმირებას ოკუპანტების ასეთი "ამაზრზენი ცინიზმის" შესახებ, რუსეთის მიერ ჩადენილი ომის ყველა დანაშაულის შესახებ მარიუპოლისა და უკრაინის სხვა ქალაქების მშვიდობიანი მოსახლეობის წინააღმდეგ.

„პლანეტაზე ყველამ უნდა იცოდეს, რას აკეთებს რუსეთი, რათა უკრაინელი ხალხის წინააღმდეგ ჩადენილ დანაშაულზე პასუხისმგებლობა რუსი სამხედროებისთვის გარდაუვალი და რაც შეიძლება მკაცრი გახდეს“, - აღნიშნა პრეზიდენტმა ზელენსკიმ.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება