საფრანგეთის პრეზიდენტის, ემანუელ მაკრონის განცხადებით, არ არსებობს საფუძველი, რუსული გაზის საფასურის რუბლით გადახდაზე რუსეთის მოთხოვნას დასთანხმდნენ.

"ყველა ტექსტი, რომელიც ხელმოწერილია, ნათელია. ეს აკრძალულია. ევროპულმა ფირმებმა, რომლებიც ყიდულობენ გაზს და რომლებიც ოპერირებენ ევროპის ტერიტორიაზე, ეს უნდა განახორციელონ ევროში. ამიტომ, დღეს შეუძლებელია იმის გაკეთება, რასაც ითხოვენ, ეს არ არის ხელშეკრულებით გათვალისწინებული“, - აღნიშნა მაკრონმა.

შეგახსენებთ, რუსეთის პრეზიდენტმა, ვლადიმერ პუტინმა რამდენიმე დღის წინ განაცხადა, რომ სურს, "არამეგობრულმა" ქვეყნებმა მისი გაზი რუბლით იყიდონ. როგორც ცნობილია, ეს ნაბიჯი მიზნად ისახავს რუსული ვალუტის გამყარებას, რომელიც წელს მნიშვნელოვნად გაუფასურდა.