უკრაინის ელჩი საქართველოში იგორ დოლგოვი უკრაინაში გარდაცვლილი ქართველი მებრძოლის დავით რატიანის პანაშვიდზე მივიდა.
სამოქალაქო პანაშვიდი ამ დრომდე მიმდინარეობს ქაშვეთის ეკლესიაში, სადაც გარდაცვლილ მებრძოლს პატივი მიაგეს პოლიტიკოსებმა, ასევე საზოგადოების წევრებმა.
რაც შეეხება უკრაინის ომში დაღუპულ კიდევ ერთ მებრძოლს გია ბერიაშვილს, ის თემქის სასაფლაოზე მდებარე ტაძარშია დასვენებული.
გია ბერიაშვილი და დავით რატიანი 18 მარტს, ქალაქ ირპენთან რუსული დაბომბვის შედეგად დაიღუპნენ. მათი ცხედრები სამშობლოში 24 მარტს ჩამოასვენეს.