უკრაინელმა სამხედროებმა ქალაქი ტროსტიანეცი ოკუპანტებისგან გაათავისუფლეს,- უკრაინული მედიის ცნობით, ამის შესახებ ინფორმაციას 93-ე მექანიზებული ბრიგადა "ცივი იარი" „ფეისბუქზე“ ავრცელებს.
"დღეს ტერიტორიული თავდაცვის და ადგილობრივი პარტიზანი მებრძოლების დახმარებით, სუმის ოლქის ქალაქი ტროსტიანეცი გავათავისუფლეთ რუსული საოკუპაციო ძალისგან. რუსულმა არმიამ რამდენიმე წარუმატებლობა განიცადა და გაიქცა. მათ ტროსტიანეცში დატოვეს იარაღი, აღჭურვილობა და საბრძოლო მასალა ", - აცხადებენ „ცივ იარში“.
მათივე თქმით, ქალაქიდან რუსული ჯარის „ელიტის“ - კანტემიროვის სატანკო დივიზია გააქციეს".
ტროსტიანეცის გათავისუფლების შესახებ ინფორმაცია სუმის ოლქის სამხარეო სამხედრო ადმინისტრაციის ხელმძღვანელმა, დიმიტრი ჟივიცკიმაც დაადასტურა.