ვოლოდიმირ ზელენსკი - უკრაინა რუსულ რაკეტებს თოფებით ვერ ჩამოაგდებს და მარიუპოლს ტანკებისა და თვითმფრინავების გარეშე ვერ განბლოკავს

უკრაინა ვერ ჩამოაგდებს რუსულ რაკეტებს თოფებითა და ტყვიამფრქვევებით და ვერ განბლოკავს მარიუპოლს საკმარისი რაოდენობის ტანკების გარეშე, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

„შეუძლებელია მარიუპოლის განბლოკვა საკმარისი რაოდენობის ტანკების, სხვა ჯავშანტექნიკის და, რა თქმა უნდა, თვითმფრინავების გარეშე. ამის შესახებ უკრაინის ყველა დამცველმა იცის. მარიუპოლის ყველა დამცველმა იცის. ათასობით ადამიანმა იცის - მოქალაქეებმა, მშვიდობიანმა მოქალაქეებმა, რომლებიც იქ ბლოკადაში იღუპებიან.

ეს იციან შეერთებულ შტატებში. ყველა ევროპელმა პოლიტიკოსმა იცის. ყველას ვუთხარით. ეს ცნობილი უნდა გახდეს რაც შეიძლება სწრაფად და მეტი ადამიანისთვის დედამიწაზე. ისე, რომ ყველამ გაიგოს, ვის და რატომ ეშინოდა ამ ტრაგედიის თავიდან აცილების. ეშინოდა გადაწყვეტილების მიღების,“- აღნიშნა ზელენსკიმ.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს