რუსეთი უკრაინას შორი მანძილიდან ბომბავს, რათა თავის სამხედრო თვითმფრინავებს საფრთხე მაქსიმალურად ააცილოს , - აღნიშნულ ინფორმაციას ბრიტანეთის დაზვერვა ავრცელებს.

UNIAN -ის ინფორმაციით, რუსეთი ისეთ რაკეტებსა და ბომბებზე ამყარებს იმედებს, რომელიც შორი მანძილიდან ან რუსეთის საჰაერო სივრციდან არის გაგზავნილი.

ბრიტანეთის თავდაცვის სამინისტროს ინფორმაციით, შორეული დაბომბვის მიზანია, რომ უკრაინულმა საჰაერო თავდაცვის სისტემებმა ვერ შეძლონ რუსული თვითმფრინავების ლიკვიდირება.

დაზვერვაში აცხადებენ, რომ რუსეთის საჰაერო-სარაკეტო ძალები აგრძელებენ მთლი უკრაინის დაბომბვას, თუმცა ძირითადად ისინი თავს ესხმიან მჭიდროდ დასახლებულ სამოქალაქო რაიონებს.