უკრაინის გენშტაბი - რუსი დამპყრობლები კიევის სამხრეთ-დასავლეთ მიმართულების ბლოკადისთვის გადაჯგუფებას ცდილობენ

რუსი დამპყრობლები ცდილობენ გადაჯგუფებას და კიევის ბლოკირებას სამხრეთ-დასავლეთის მიმართულებიდან. ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.

გავრცელებული ინფორმაციით, მიმდინარეობს აღმოსავლეთის სამხედრო ოლქის 35-ე გენერალური სამხედრო არმიის ცალკეული ქვედანაყოფების გადაჯგუფება, რომლებმაც მნიშვნელოვანი ზარალი განიცადეს შეტევის დროს. რამდენიმე დანაყოფი ჩერნობილის რაიონში დაინიშნა, რომლებსაც შემდგომ ბელარუსის ტერიტორიაზე გადაიყვანენ, რათა საბრძოლო შესაძლებლობების აღსადგენად ზომები მიიღონ.

„არ არის გამორიცხული, რომ ამ ღონისძიებების გატარების, გადაჯგუფებისა და ჯარების დაჯგუფების გაძლიერების შემდეგ, ოკუპანტებმა განაახლონ მოქმედებები სამხრეთ-დასავლეთიდან კიევის გადაკეტვის მიზნით“, - აცხადებენ გენერალურ შტაბში.

გენშტაბის განცხადებით, ბროვარის მიმართულებით მტრის ქვედანაყოფები შეაჩერეს და მტერი იძულებული გახდა გადასულიყო თავდაცვაზე. ამასთან გრძელდება ჩერნიგოვის, ივანოვკასა და ნეჟინის დასახლებების რაიონებში საცხოვრებელი ტერიტორიების დაბომბვა.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს