უკრაინის ვიცე-პრემიერი - ოკუპანტებმა დაახლოებით 40 000 უკრაინელი იძულებით გაიყვანეს
რუსმა ოკუპანტებმა დაახლოებით 40 000 უკრაინელი იძულებით გაიყვანეს. აღნიშნულ ინფორმაციას უკრაინის ვიცე-პრემიერი და ოკუპირებული ტერიტორიების რეინტეგრაციის საკითხებში სახელმწიფო მინისტრი, ირინა ვერეშუკი ავრცელებს.
„ოკუპანტი ცინიკურად იტაცებს ათასობით ადამიანს საბრძოლო მოქმედებების არეალიდან და დროებით ოკუპირებული ტერიტორიებიდან, რის შემდეგაც უცნობი მიმართულებით გაჰყავს.
მათ კვაზი-ჰუმანიტარული დერეფნების საშუალებით მიამგზავრებენ, რომლებსაც რუსეთი უკრაინასთან შეუთანხმებლად ქმნის“, - განაცხადა ირინა ვერეშუკმა.
