ბერლინის თეატრის ტერიტორიაზე მარიუპოლის თეატრზე მომხდარი თავდასხმის სოლიდარობის ნიშნად შესასვლელში წარწერა ,,ბავშვები“ დაწერეს.
ინფორმაციას ბერლინში უკრაინის საელჩო ავრცელებს.
პროცესში მონაწილეობა მიიღეს მსახიობებმა, აქტივისტებმა და უკრაინელმა დიპლომატებმა, რომლებმაც დიდი ასოებით, ისევე, როგორც ეს იყო მარიუპოლის თეატრის წინ, ,,ბავშვები“ რუსულად დააწერეს.
„ეს სიმბოლოა, რომ ბერლინის თეატრი დგას მარიუპოლის დანგრეული დრამის თეატრის გვერდით. თეატრის გვერდით, სადაც ბავშვები იმალებოდნენ რუსული დაბომბვისგან, მარიუპოლი კი ყვიროდა და ევედრებოდა, დიდად დაწერილი წარწერით, რომლის დანახვაც ციდანაც შეიძლებოდა, რომ ბომბები იქ არ ჩამოეგდოთ. სამწუხაროდ, ამან მტერი ვერ შეაჩერა“ , - აღნიშნულია საელჩოს განცხადებაში.
მარიუპოლის თეატრის დაბომბვის შედეგად 300-მდე ადამიანი გარდაიცვალა. თეატრს თავს 1300-მდე პირი აფარებდა.