გმირთა მოედანზე მოძრაობა პარალიზებულია - აქციის მონაწილეებმა, რომლებიც საწვავზე ფასს აპროტესტებენ, ესტაკადაზე რამდენიმე გასასვლელი ავტომობილებით ჩაკეტეს

ამ წუთებში, გმირთა მოედანზე მოძრაობა სრულიად პარალიზებულია. საწვავის ფასების წინააღმდეგ მიმდინარე აქციის მონაწილეებმა მოედნამდე შესასვლელი რამდენიმე ესტაკადა საკუთარი ავტომობილებითა და მოპედებით ჩაკეტეს, რის შემდეგაც ადგილზე მყოფ ავტომობილების მძღოლებს ფიზიკურად გადაეღობნენ და მოუწოდებდნენ, რომ ავტომობილები დაეტოვებინათ.

არაერთი სიტყვიერი დაპირისპირება მოხდა თავად აქციის მონაწილეებსა და ავტომობილების მძღოლებს შორის, რომლებიც აქციის მონაწილეებს მოუწოდებდნენ, რომ მათთვის გზა დაეთმოთ, თუმცა აქციის მონაწილეების განცხადებით, აღნიშნულ მონაკვეთზე მოძრაობას ვერავინ გააგრძელებს მანამ მათი მოთხოვნები არ დაკმაყოფილდება.

დღევანდელი აქციის ორი მთავარი მოთხოვნა საწვავზე აქციზის გადასახადის გაუქმება და დღგ-ს გადასახადის მცურავ რეჟიმზე გადაყვანაა, რაც აქციის მონაწილეების განცხადებით, 80-90 თეთრით გააიაფებს საწვავის ფასს.

ამასთან, აქციის ორგანიზატორების ინფორმაციით, ხვალ ჩანიშნულია ფინანსთა მინისტრთან საკონსულტაციო ჯგუფის შეხვედრა.

აქციის მონაწილეები სკანდირებენ ,,პროტესტი საწვავის ფასს”, ,,არა გაძვირებულ ცხოვრებას” და ,,გამოდით, გამოდით.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს