თბილისის საწვავის ფასებთან დაკავშირებით საპროტესტო აქციები დასრულდა

თბილისის მასშტაბით მოქალაქეების მიერ ორგანიზებული, საწვავის ფასების ზრდის წინააღმდეგ აქცია დასრულდა.

აქციის დასასრულს მოქალაქეები კვლავ რესპუბლიკის მოედანს დაუბრუნდნენ, საიდანაც მანამდე პარლამენტთან, ხოლო შემდეგ გმირთა მოედანზე მსვლელობით გადაინაცვლეს და საავტომობილო მოძრაობის პარალიზება მოახდინეს.

აქციის მიმდინარეობისას საამართალდამცველებსა და აქციის მონაწილეებს შორის რამდენიმე სიტყვიერი თუ ფიზიკური დაპირისპირება მოხდა. აქციის მონაწილეების ინფორმაციით, პოლიციამ პროტესტის 16 მონაწილე დააკავა.

ამასთან, არაერთი სიტყვიერი დაპირისპირება მოხდა თავად აქციის მონაწილეებსა და ავტომობილების მძღოლებს შორის, რომლებიც აქციის მონაწილეებს მოუწოდებდნენ, რომ მათთვის გზა დაეთმოთ. დღევანდელი აქციის ორი მთავარი მოთხოვნა საწვავზე აქციზის გადასახადის გაუქმება და დღგ-ს გადასახადის მცურავ რეჟიმზე გადაყვანა იყო, რაც აქციის მონაწილეების განცხადებით, 80-90 თეთრით გააიაფებს საწვავის ფასს.

აქციის ორგანიზატორების ინფორმაციით, 28 მარტს, ფინანსთა მინისტრთან მათი საკონსულტაციო ჯგუფის შეხვედრაა ჩანიშნული.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს