რუსეთი დასავლეთის მხრიდან სურვილის არქონას, დახურონ ჩვენი ცა, დემოკრატიის სისუსტედ და ნებადართულობად მიიჩნევს, – ამის შესახებ უკრაინის პრეზიდენტის ადმინისტრაციის ხელმძღვანელმა, ანდრეი ერმაკმა განაცხადა.

ერმაკმა უკრაინის საერთაშორისო პარტნიორებს უკრაინის ცის დახურვისკენ მოუწოდა.

„კიდევ ერთი რუსული სარაკეტო დარტყმა ჩვენს, უკრაინის ქალაქებზე. დასავლეთის მხრიდან სურვილის არქონას, დახურონ ჩვენი ცა, ბარბაროსები დემოკრატიის სისუსტედ და ნებადართულობად განიხილავენ. ეს აშკარაა. რაც უფრო მეტ ხანს ეპარებათ ეჭვი ჩვენს პარტნიორებს, მით მეტი რაკეტები იქნება და უფრო გათავხედდება დიქტატურა“, – აღნიშნა ერმაკმა.