უკრაინა დღეს არც ერთ ჰუმანიტარულ დერეფანს არ გახსნის. ამის შესახებ უკრაინის ვიცე-პრემიერმა ირინა ვერესჩუკმა განაცხადა.

მისი განმარტებით, ამის მიზეზი დაზვერვის მიერ მოპოვებული ინფორმაციაა, რომლის თანახმადაც იგეგმება რუსული ძალების მხრიდან პროვოკაციები ჰუმანიტარული დერეფნების გასწვრივ.

ჰუმანიტარული დერეფნები მძლავრი საბრძოლო მოქმედებების არეალებიდან ადამიანთა გამოყვანას ემსახურება, თუმცა უკრაინა რუსეთს ჰუმანიტარული გზების დაბომბვაში ადანაშაულებს.