უკრაინული მხარის ინფორმაციით, ბოლო 24 საათში რუსმა ოკუპანტებმა ხარკოვის ოლქზე საარტილერიო ცეცხლისა და ნაღმტყორცნების გამოყენებით 60-მდე თავდასხმა განახორციელეს

გასული 24 საათის განმავლობაში რუსმა ოკუპანტებმა ხარკოვის ოლქზე საარტილერიო ცეცხლისა და ნაღმტყორცნების გამოყენებით 60-მდე თავდასხმა განახორციელეს.

ამის შესახებ ხარკოვის საოლქო სამხედრო ადმინისტრაციის თავმჯდომარე ოლეგ სინეგუბოვმა განაცხადა.

მისივე თქმით, დაფიქსირებულია, ცეცხლის გახსნის დაახლოებით 180 შემთხვევა ზალპური ცეცხლის რეაქტიული სისტემიდან, მათ შორის „სმერჩის“ ტიპის იარაღიდან, რომელიც აკრძალულია შესაბამისი საერთაშორისო შეთანხმებებით.

„უკრაინის შეიარაღებული ძალები ხარკოვის ოლქში ზოგიერთ მიმართულებაზე კონტრიერიშზე გადავიდნენ. მალაია როგანი სრულად ჩვენი სამხედროების კონტროლის ქვეშაა და გაწმენდილია ოკუპანტებისგან, ასევე ოლხოვკა. მტრისგან გათავისუფლებულია გუსაროვკა, რომელიც ბალაკლეის სიახლოვესაა. მძიმე საბრძოლო მოქმედებები მიდის იზიუმში“, - განაცხადა სინეგუბოვმა.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს