რუსულმა გაზეთმა „ნოვაია გაზეტამ", რომლის რედაქტორი დიმიტრი მურატოვი გასულ წელს მშვიდობის დარგში ნობელის პრემიით დაჯილდოვდა, განაცხადა, რომ აჩერებს ონლაინ და ბეჭდურ საქმიანობას „უკრაინაში სპეცოპერაციის დასრულებამდე".

გაზეთის წარმომადგენლების ინფორმაციით, გაშუქების შესახებ, დღეს მიიღეს კიდევ ერთი გაფრთხილება ქვეყნის სახელმწიფო კომუნიკაციების მარეგულირებელი კომპანიის „როსკომნადზორისგან“, რამაც მედიასაშუალება აიძულა შეაჩეროს საკუთარი საქმიანობა.

„როსკომნადზორმა" განაცხადა, რომ „ნოვაია გაზეტამ“, თავის ერთ-ერთ სიუჟეტში მოხსენიებული ერთ-ერთი არასამთავრობო ორგანიზაცია რუსეთის კანონმდებლობის შესაბამისად, როგორც „უცხოური აგენტი“ არ მონიშნა.

ცნობისთვის, მარტის დასაწყისში გაზეთმა, რუსეთში მიღებული ახალი მედიის კანონის შესაბამისად, მასალა წაშალა, რომელიც უკრაინაში კრემლის სამხედრო მოქმედებებს შეეხებოდა.