ცესკოს თავმჯდომარემ „საარჩევნო სისტემების საერთაშორისო ფონდის“ წარმომადგენლობის ახალ ხელმძღვანელთან შეხვედრა გამართა

ცენტრალური საარჩევნო კომისია (ცესკო) პარტნიორ ორგანიზაციებთან აქტიურ თანამშრომლობას აგრძელებს. ამის შესახებ ინფორმაციას ცენტალური საარჩევნო კომისია ავრცელებს.

ცენტრალური საარჩევნო კომისიის ცნობით, ცესკოს თავმჯდომარე გიორგი კალანდარიშვილი და კომისიის მდივანი გიორგი ჯავახიშვილი „საარჩევნო სისტემების საერთაშორისო ფონდის“ (IFES) წარმომადგენლობის ახალ ხელმძღვანელს რენატა ლევოვსკის და ორგანიზაციის პროგრამის მენეჯერს დავით ღონღაძეს შეხვდნენ.

მათი ინფორმაციით, გაცნობითი ხასიათის შეხვედრაზე მხარეებმა 2 აპრილს დაგეგმილ შუალედურ არჩევნებთან დაკავშირებული საკითხები განიხილეს.

ყურადღება გამახვილდა ბათუმში დაგეგმილ პილოტზე, რომლის ფარგლებშიც საკრებულოს შუალედური არჩევნები ელექტრონული ტექნოლოგიების გამოყენებით განხორციელდება.

„შეხვედრაზე მხარეებმა სამომავლო თანამშრომლობის მიმართულებებზეც იმსჯელეს. რენატა ლევოვსკიმ საარჩევნო ადმინისტრაციასთან თანამშრომლობის კიდევ უფრო გაღრმავებისა და გაძლიერებისთვის მზადყოფნა გამოთქვა. თავის მხრივ, ცესკოს თავმჯდომარემ მას მადლობა გადაუხადა იმ ტექნიკური მხარდაჭერისთვის, რომელსაც საქართველოს საარჩევნო ადმინისტრაცია წლების განმავლობაში „საარჩევნო სისტემების საერთაშორისო ფონდისგან“ (IFES) იღებს. გიორგი კალანდარიშვილის განცხადებით, IFES-ი ერთ-ერთი ყველაზე მნიშვნელოვანი პარტნიორია საქართველოს ცესკოსთვის და იმედი გამოთქვა, რომ ეს თანამშრომლობა სულ უფრო მზარდი და ძლიერი იქნება მომავალშიც”, - აღნიშნულია ინფორმაციაში.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება