ჯო ბაიდენი პუტინზე - არ მაინტერესებს რას ფიქრობს

აშშ-ს პრეზიდენტმა ჯო ბაიდენმა განაცხადა, რომ არ აინტერესებს რას ფიქრობს ვლადიმერ პუტინი მის კომენტარზე, რომლის თანახმადაც, ის არ უნდა იყოს რუსეთში ხელისუფლებაში.

„არ მაინტერესებს რას ფიქრობს. ის მაინც გააკეთებს იმას, რაც აქვს ჩაფიქრებული“, - აღნიშნა ბაიდენმა, როდესაც ჟურნალისტმა ჰკითხა, იყო თუ არა ის შეშფოთებული, როდესაც გაიგო, რომ პუტინმა მისი სიტყვები ესკალაციად მიიჩნია.

აშშ-ის ლიდერის თქმით, ვლადიმერ პუტინი „არ არის რაციონალური“.

”მისი ბოლოდროინდელი ქცევის გათვალისწინებით, ხალხმა უნდა გაიგოს, რომ ის აპირებს გააკეთოს ის, რასაც ფიქრობს, წერტილი. მასზე სხვა არავინ იმოქმედებს, მათ შორის, სამწუხაროდ, ვერც მისი მრჩევლები. ვფიქრობ, უბრალოდ არ არის რაციონალური“, - განაცხადა ჯო ბაიდენმა.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს