რივნეს რაიონში, ნავთობის საცავზე, რუსული სარაკეტო დარტყმის შედეგად, ქიმიური და რადიაციული ფონი ნორმალურ ფარგლებში რჩება და მოსახლეობისთვის საფრთხეს არ წარმოადგენს, - ამის შესახებ რივნის რეგიონალური სამხედრო ადმინისტრაციის ხელმძღვანელმა, ვიტალი კოვალმა, Telegram-ზე განაცხადა, რასაც უკრაინული მედია ავრცელებს.

,,ქიმიური და რადიაციული ფონი ნორმის ფარგლებშია. საგანგებო სიტუაციების სახელმწიფო სამსახურის ლაბორატორიებმა და რივნის ლაბორატორიულმა ცენტრმა მუშაობა დაასრულეს. მოქალაქეების ჯანმრთელობას საფრთხე არ ემუქრება", - განაცხადა გუბერნატორმა.

მისივე თქმით, ადგილზე, 52 მაშველი და 16 ერთეული ტექნიკა მუშაობდა. დამატებით, ორი სახანძრო მატარებელი იყო ჩართული.