დავით არახამიას განცხადებით, უკრაინას სურს გაერო-ს უშიშროების საბჭოს წევრები და ასევე თურქეთი, გერმანია, კანადა, იტალია, პოლონეთი და ისრაელი გარანტორი ქვეყნები გახდნენ

ფრაქცია „ხალხის მსახურის“ თავმჯდომარისა და უკრაინული დელეგაციის ხელმძღვანელის დავით არახამიას განცხადებით, უკრაინას სურს, რომ გაეროს უშიშროების საბჭოს წევრები და ასევე თურქეთი, გერმანია, კანადა, იტალია, პოლონეთი და ისრაელი გარანტორი ქვეყნები გახდნენ.

ამასთანავე, არახამიას განცხადებით, უკრაინა წინააღმდეგი არ არის, რომ სხვა ქვეყნები, ვისაც ამის სურვილი აქვთ, დამოუკიდებლად შეუერთდნენ ამ გარანტიებს.

„რა თქმა უნდა, ჩვენ დაურეგულირებელი საკითხები გვაქვს ყირიმთან და აღმოსავლეთ უკრაინასთან დაკავშირებით, ამიტომ გარანტიები დროებით არ იმუშავებს ამ ტერიტორიებზე. ზოგიერთმა ქვეყანამ უკვე მოგვცა წინასწარი თანხმობა, მაგრამ ჩვენ ველით ოფიციალურ განცხადებებს. ეს ის სისტემაა, რომელზეც გვსურს ავაშენოთ უკრაინის მომავალი უსაფრთხოების თვალსაზრისით“,- განაცხადა არახამიამ.

მისივე თქმით, დელეგაციებმა საკმარისი მასალა დააგროვეს, რათა პრეზიდენტების შეხვედრა შესაძლებელი გახდეს.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს