აშშ და მისი მოკავშირეები გეგმავენ რუსეთის ეკონომიკის სხვა სექტორების საწინააღმდეგოდ ახალი სანქციების შემოღებას. „როიტერსის“ ინფორმაციით, ამის შესახებ ამერიკის ფინანსთა მინისტრის მოადგილემ უოლი ადეიემომ განაცხადა.
„გარდა იმ კომპანიების წინააღმდეგ არსებული სანქციები, რომლებიც კრემლს საშუალებას აძლევს ჩაიდინოს აგრესია, ვგეგმავთ მივიღოთ ზომები, რათა დავარღვიოთ მათი მიწოდების ჯაჭვი. ჩვენი მიზანია - გამოვიყენოთ ინტეგრირებული მიდგომა, რომელიც მოიცავს დროთა განმავლობაში შემცირებად საექსპორტო კონტროლსა და სანქციებს, რომლებიც დაუყოვნებლივ დარტყმას აყენებს“, - განაცხადა მინისტრის მოადგილემ. მანვე დასძინა, რომ ზომები იქნება მიღებული ალტერნატიული სამხედრო მიმწოდებლებისადმი, რომლებსაც რუსეთი იყენებს.
მისი თქმით, აშშ ელოდება, რომ ისეთი ქვეყნები, როგორებიც არის ჩინეთი და ინდოეთი, დარჩებიან მსოფლიო საფინანსო სისტემის ნაწილებად და არ განიხილავენ უკრაინაში ომს როგორც მომენტს საიმისოდ, რომ გაემიჯნონ დასავლეთს.