უკრაინის პრეზიდენტი ვოლოდიმირ ზელენსკი გამოეხმაურა რუსეთის ფედერაციასთან სამშვიდობო მოლაპარაკების პროცესს და აღნიშნა, რომ „უკრაინის შეიარაღებული ძალები დღეს ჩვენი გადარჩენის ერთადერთი გარანტიაა“.
მისი თქმით, უკრაინის დაცვა ახლა ნომერ პირველი ამოცანაა.
„მტერი ჯერ კიდევ ჩვენს ტერიტორიაზეა. ჩვენი ქალაქების დაბომბვა გრძელდება. მარიუპოლი დაბლოკილია. სარაკეტო და საჰაერო დარტყმები არ წყდება. ეს არის რეალობა. ეს არის ფაქტები. ამიტომ, უკრაინის შეიარაღებული ძალები, ჩვენი დაზვერვა, ყველა, ვინც შეუერთდა სახელმწიფოს თავდაცვას, არის დღეს ჩვენი გადარჩენის ერთადერთი გარანტი, როგორც ხალხის, როგორც სახელმწიფოსი", - აღნიშნა ზელენსკიმ.