გაერო - ვფიქრობთ, რომ მარიუპოლში, შესაძლოა, ათასობით მშვიდობიანი მოქალაქე იყოს დაღუპული

რუსული ძალების მიერ ქალაქ მარიუპოლის ალყაში მოქცევის შემდეგ დაახლოებით 5 000 ადამიანი, მათ შორის 210 ბავშვი, დაიღუპა, - ამის შესახებ ქალაქის მერის პრესსპიკერმა ვადიმ ბოიჩენკომ განაცხადა.

მისივე ინფორმაციით, ქალაქში არსებული შენობების, მათ შორის საავადმყოფოების, სკოლების, ბაღებისა და ქარხნების, 90%-ი დაზიანებული ან განადგურებულია.

ამასთან, უკრაინაში გაეროს ადამიანის უფლებათა მისიის ხელმძღვანელის, მატილდა ბოგნერის განცხადებით, ისინი ვარაუდობენ, რომ მარიუპოლში, შესაძლოა, ათასობით მშვიდობიანი მოქალაქე იყოს დაღუპული.

„ვფიქრობთ, რომ მარიუპოლში, შესაძლოა, ათასობით მშვიდობიანი მოქალაქე იყოს დაღუპული“, - აღნიშნა მატილდა ბოგნერმა.

მისი თქმით, მისიას ჯერჯერობით ზუსტი შეფასება არ აქვს, მაგრამ მუშაობს იმისთვის, რომ მეტი ინფორმაცია შეაგროვოს.

შეგახსენებთ, ადგილობრივმა ოფიციალურმა პირებმა გასულ კვირას განაცხადეს, რომ 16 მარტს, მარიუპოლის თეატრის დაბომბვის შედეგად 300 ადამიანი დაიღუპა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება