საფრანგეთის პრეზიდენტმა, ემანუელ მაკრონმა რუს კოლეგას, ვლადიმირ პუტინს განუცხადა, რომ დასავლელი კლიენტებისთვის შეუძლებელია ბუნებრივი გაზის საფასურის რუსულ რუბლში გადახდა, - Reuters-ის ინფორმაციით, ამის შესახებ ჟურნალისტებს საფრანგეთის პრეზიდენტის ადმინიტრაციის ოფიციალურმა წარმომადგენელმა განუცხადა.
”საფრანგეთი რუბლით გადახდის წინააღმდეგია”, - აღნიშნა ოფიციალურმა წარმომადგენელმა.
ვლადიმერ პუტინთან სატელეფონო საუბარში მაკრონმა კიდევ ერთხელ გამოხატა მზადყოფნა, უკრაინის ქალაქ მარიუპოლში ჰუმანიტარული სამაშველო მისიის შესასრულებლად, თქვა ოფიციალურმა წარმომადგენელმა, მაგრამ დასძინა, რომ ასეთი ნაბიჯის პირობები ჯერ არ არის შექმნილი.