გაეროში რუსეთის ელჩი - დასავლეთის  ანტირუსული სანქციები ისტორიული მასშტაბის გლობალურ ეკონომიკურ კრიზისს გამოიწვევს

დასავლეთის ცალმხრივი ანტირუსული სანქციები ისტორიული მასშტაბის გლობალურ ეკონომიკურ კრიზისს გამოიწვევს, - ამის შესახებ გაეროში რუსეთის მუდმივმა წარმომადგენელმა ვასილი ნებენზიამ განაცხადა.

მისი თქმით, მსოფლიო სასურსათო ბაზარს საფრთხეს არა რუსეთის ქმედებები, არამედ დასავლეთის სანქციები უქმნის.

„ნამდვილი მიზეზები, რომლებიც საფრთხეს უქმნის გლობალურ სასურსათო ბაზარს, გამოწვეულია არა რუსეთის ქმედებებით, არამედ დასავლეთის მიერ რუსეთის წინააღმდეგ გაჩაღებული სანქციების დაუოკებელი ისტერიით. თანამშრომლობის მრავალწლიანი არხებიდან რუსეთის ეკონომიკურად, ფინანსურად და ლოგისტიკურად იზოლაციის მცდელობა უკვე იწვევს ისტორიული მასშტაბის ეკონომიკურ კრიზისს, “- აღნიშნა რუსეთის ელჩმა.

მისი თქმით, ყველასთვის ცხადია, რომ მხოლოდ „ცალმხრივ, უკანონო შემზღუდველ ზომებზე უარის თქმას შეუძლია დაძაბულობის შემცირება ტრანსპორტისა და ლოგისტიკის სფეროში, უწყვეტი მიწოდების უზრუნველსაყოფად და საერთაშორისო სასოფლო-სამეურნეო და სურსათის ბაზრების სტაბილიზაციისთვის.“

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ