გაერთიანებული ძალების ოპერაციის რაიონში ჩვენმა დამცველებმა, გასული დღის განმავლობაში წარმატებით მოიგერიეს მტრის ოთხი შეტევა, - ამის შესახებ გაერთიანებული ძალების ოპერაციის შტაბი იუწყება.
მათივე ინფორმაციით, უკრაინულმა სამხედროებმა რუსულ ძალებს მნიშვნელოვანი ზარალი მიაყენეს.
„დონეცკისა და ლუგანსკის მიმართულებით უკრაინელი დამცველები აგრძელებენ ჩვენი მიწის დაცვას. გაერთიანებული ძალების ჯგუფის სამხედრო მოსამსახურეების ოსტატური მოქმედებების წყალობით, დღის განმავლობაში მტრის ოთხი შეტევის წარმატებით მოიგერიება განხორციელდა. ჩვენმა ჯარისკაცებმა რუს ოკუპანტებს ზარალი მიაყენეს“, - ნათქვამია ინფორმაციაში.
მათივე ცნობით, უკრაინელმა სამხედროებმა გაანადგურეს 7 ტანკი, 7 ჯავშანმანქანა და 2 მანქანა, ასევე მოწინააღმდეგის ერთი ტანკსაწინააღმდეგო ქვემეხი MT-12.