მიხეილ ხიდურელი - „აწარმოე უკრაინისთვის“ კამპანიის დაწყებიდან ერთ თვეში 60 ტონა ჰუმანიტარული ტვირთი გაიგზავნა

უკრაინელი ხალხის სოლიდარობის მიზნით, მთავრობის ინიციატივითა და სააგენტოს „აწარმოე საქართველოში“ ორგანიზებით, დაწყებული კამპანიის „აწარმოე უკრაინისთვის“ ფარგლებში უკრაინაში მესამე ჰუმანიტარული ტვირთი გაიგზავნა.

სააგენტოს „აწარმოე საქართველოში“ ხელმძღვანელის, მიხეილ ხიდურელის განცხადებით, ქართული კომპანიების ძალისხმევითა და აქტიურობით, რომელიც კამპანიის დაწყების დღიდან არ შეწყვეტილა, ერთი თვის განმავლობაში კამპანიის ფარგლებში უკრაინაში 60 ტონა ტვირთის გაგზავნა გახდა შესაძლებელი.

„ჩვენ კვლავ ვაგრძელებთ კამპანიას „აწარმოე უკრაინისთვის“, რომლის ფარგლებში მორიგი ჰუმანიტარული დახმარება გავაგზავნეთ უკრაინაში. კამპანიის დაწყებიდან დღემდე უკრაინაში ჯამში 60 ტონა ტვირთი გავაგზავნეთ და მნიშვნელოვანია აღინიშნოს, რომ ყოველდღიურად მატულობს ახალი კომპანიების რიცხვი, ვისაც სურვილი აქვს როგორც თავისი პროდუქციით, ასევე საკუთარი ფინანსური სახსრებით შეძენილი პროდუქციით დაეხმაროს უკრაინელ ხალხს. მინდა კიდევ ერთხელ დიდი მადლობა გადავუხადო თითოეულ კომპანიას გამოჩენილი თანადგომისა და სოლიდარობისთვის“, - აღნიშნა მიხეილ ხიდურელმა.

„ტვირთის ტრანსპორტირება და ლოგისტიკა „საქართველოს ფოსტამ“ უზრუნველყო.

კამპანიაში „აწარმოე უკრაინისთვის“ ამ ეტაპზე 61 ქართული კომპანიაა ჩართული, თუმცა მათი რაოდენობა ყოველდღიურად იზრდება. კამპანიის ფარგლებში დახმარება გაეწია საქართველოში მყოფ უკრაინელებსაც, რომელთაც სხვადასხვა პროდუქტი გადაეცათ“, - ნათქვამია ინფორმაციაში.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ