დონეცკის რეგიონი კვლავ მძიმე დაბომბვების ქვეშაა, განსაკუთრებით, უკრაინის ტერიტორიის გამყოფი ხაზის გასწვრივ, - ამის შესახებ ინფორმაციას Sky News-ი ავრცელებს.

მათივე ინფორმაციით, დონეცკის ოლქის გუბერნატორმა სატელევიზიო მიმართვაში განაცხადა, რომ რეგიონში რუსული ძალების კონცენტრირება ხდება.

როგორც Sky News-ი იუწყება, ამბობენ, რომ კიევში, რუსული ძალები უკან იხევენ, რადგან კრემლი ცდილობს, კონფლიქტის ფოკუსირება, სეპარატისტების მიერ კონტროლირებად ტერიტორიებზე მოახდინოს, როგორიცაა დონეცკი და ლუგანსკი. ეს არის ის ტერიტორიები, რომელიც რუსეთის პრეზიდენტმა ვლადიმერ პუტინმა, უკრაინაში შეჭრამდე რამდენიმე დღით ადრე, დამოუკიდებლად აღიარა.