დანიური კომპანია JYSK-ი რუსეთის ბაზარს მთლიანად დატოვებს. ამის შესახებ კომპანიის წარმომადგენლებმა განაცხადეს.
„რუსეთში JYSK-ის მაღაზიების ოთხი კვირით დახურვის შემდეგ, JYSK მთლიანად დატოვებს რუსეთის ბაზარს“, - განაცხადა კომპანიის აღმასრულებელმა დირექტორმა იან ბიოგმა.
მისი თქმით, JYSK-ს რუსეთში წარმატებული მუშაობა ჰქონდა, თუმცა კომპანიის მფლობელები ვერ ხედავენ რუსეთის ფედერაციაში საქმიანობის გაგრძელების ალტერნატივას.
აღმასრულებელი დირექტორის განცხადებით, 31 მარტიდან რუსეთში JYSK-ის მაღაზიები დროებით გაიხსნება გაყიდვების განსახორციელებლად. ნივთების ამოყიდვის შემდეგ მაღაზიები სამუდამოდ დაიხურება.
"JYSK-ის თანამშრომლები მიიღებენ ხელფასს ადგილობრივი რეგულაციების შესაბამისად, როგორც დახურვის ნაწილი", - ნათქვამია განცხადებაში.
ცნობისთვის, 3 მარტიდან რუსეთში JYSK-ის ყველა მაღაზია დაკეტილია.