Reuters - ამერიკელების უმრავლესობა მხარს უჭერს ნატოს მოკავშირეებისთვის ევროპაში მეტი ჯარის გაგზავნას
უკრაინაში რუსეთის შეჭრის ფონზე, ამერიკელების უმრავლესობა მხარს უჭერს ნატოს მოკავშირეებისთვის ევროპაში მეტი ჯარის გაგზავნას. ინფორმაციას საინფორმაციო სააგენტო „როიტერსი“ ავრცელებს. Reuters/Ipsos-ის გუშინ დასრულებული გამოკითხვის თანახმად, ამერიკელების 55% ემხრობა ევროპაში ნატოს მოკავშირეებისთვის დამატებითი ძალების გაგზავნას.
„დემოკრატიული პარტიის“ მხარდამჭერების დაახლოებით 61% მხარს უჭერს დამატებით ჯარების განლაგებას, მაშინ როცა აღნიშნულს „რესპუბლიკელების“ 41% ემხრობა.
ცნობისთვის, გუშინ, პენტაგონმა განაცხადა, რომ დამატებით ჯარი და სამხედრო ტექნიკა გაიგზავნება ნატოს მოკავშირეებისთვის ევროპაში, კერძოდ 200 დამატებითი პერსონალი გაემგზავრება აღმოსავლეთ ევროპაში, მათ შორის ლიტვაში. ამჟამად ევროპაში 100 000-ზე მეტი ამერიკელი ჯარისკაცია, მაშინ როცა, უკრაინაში რუსეთის შეჭრამდე, მათი რიცხვი 80 000 შეადგენდა
v-if="article.gallery" v-html="article.gallery"
