ბრიტანეთის სადაზვერვო სააგენტოს სამთავრობო კომუნიკაციების შტაბის (GCHQ) ხელმძღვანელის, სერ ჯერემი ფლემინგის განცხადებით, რუსი ჯარისკაცების ნაწილი უარს აცხადებს ბრძანებების შესრულებაზე.
„ჩვენ ვნახეთ რუსი ჯარისკაცები - იარაღისა და საბრძოლო სულისკვეთების გარეშე - რომლებიც უარს აცხადებენ ბრძანებების შესრულებაზე, დივერსიას ახდენენ საკუთარ აღჭურვილობაზე და შემთხვევით აგდებენ საკუთარ თვითმფრინავს,“ - აღნიშნა სერ ჯერემი ფლემინგმა, თუმცა არ დაუზუსტებია, როდის და სად მოხდა ეს.
მისი მტკიცებით, სულ უფრო ნათელი ხდება, რომ პუტინი არასწორად აფასებს სიტუაციას.
„სულ უფრო ხშირად ჩანს, რომ პუტინი არასწორად აფასებს სიტუაციას. აშკარაა, რომ მან არასწორად შეაფასა უკრაინელი ხალხის წინააღმდეგობა გადაჭარბებულად შეაფასა რუსი სამხედროების შესაძლებლობები. მიუხედავად იმისა, რომ ჩვენი აზრით, პუტინის მრჩევლებს ეშინიათ მისთვის სიმართლის თქმა იმასთან დაკავშირებით, თუ რა ხდება, არასწორი შეფასებების მასშტაბები რეჟიმისთვის ნათელი უნდა იყოს“, - აღნიშნა სერ ჯერემი ფლემინგმა.