პარტია „საქართველოსთვის“ ლიდერის გიორგი გახარიას შეფასებით, დღევანდელი თარიღი იმის დასტურია, რომ თავისუფლება და დამოუკიდებლობა ის უმთავრესი მიღწევაა, რომლის დაკარგვასაც ქართველი ერი არასოდეს შეეგუება.
„31 წელი გავიდა, რაც დამოუკიდებლობის აღდგენასთან დაკავშირებით ჩატარებულ რეფერენდუმზე სრულიად საქართველოს მოსახლეობამ, აფხაზეთისა და ცხინვალის რეგიონების ჩათვლით, გააკეთა ისტორიული არჩევანი თავისუფალი, დამოუკიდებელი სახელმწიფოს მშენებლობის სასარგებლოდ.
სიმბოლურია ისიც, რომ 31 მარტი საქართველოს პირველი პრეზიდენტის, ზვიად გამსახურდიას დაბადების დღეა.
დღევანდელი თარიღი დასტურია იმის, რომ თავისუფლება და დამოუკიდებლობა ის უმთავრესი მიღწევაა, რომლის დაკარგვასაც ქართველი ერი არასოდეს შეეგუება, რაც თაობებმა დაამტკიცეს. ეს ყველამ უნდა გავითვალისწინოთ!- წერს გიორგი გახარია „ფეისბუქში“.