ოთარ შამუგია - ჩვენ ყველა პლატფორმაზე ვეხმარებით და გვერდში ვუდგავართ უკრაინას

ჩვენ ყველა პლატფორმაზე ვეხმარებით და გვერდში ვუდგავართ უკრაინას, - ასე უპასუხა გარემოს დაცვისა და სოფლის მეურნეობის მინისტრმა ოთარ შამუგიამ ჟურნალისტების შეკითხვას, რომელიც უკრაინის პრეზიდენტის ვოლოდიმირ ზელენსკის გადაწყვეტილებასა და საქართველოდან უკრაინის ელჩის გაწვევას შეეხებოდა.

მისივე თქმით, საქართველო შესაძლებლობის ფარგლებში უკრაინის მხარდაჭერას გააგრძელებს.

„ჩვენი პოლიტიკა უკრაინასთან დაკავშირებით ცნობილია. ჩვენ ყველა პლატფორმაზე ვეხმარებით და გვერდში ვუდგავართ უკრაინას. ასევე, მაქსიმალურად ჩართულები ვართ ჰუმანიტარული დახმარების პროცესში და რა თქმა უნდა, გავაგრძელებთ უკრაინელი ხალხის მხარდაჭერას ჩვენი შესაძლებლობის ფარგლებში ყველა დონეზე“, - განაცხადა ოთარ შამუგიამ.

ცნობისთვის, უკრაინის პრეზიდენტის, ვოლოდიმირ ზელენსკის განცხადებით, მან საქართველოდან და მაროკოდან ელჩების გაწვევას ხელი მოაწერა.

ზელენსკიმ ვიდეომიმართვისას უკრაინის დიპლომატიური მისიების წარმომადგენლების მუშაობაზე ისაუბრა და აღნიშნა, რომ სხვა სამსახური უნდა მოძებნონ იმ ელჩებმა, რომლებიც ვერ მიაღწევენ, რომ ქვეყნები, სადაც წარმოდგენილნი არიან, ერთი მხრივ უკრაინას დაეხმარებიან, მეორე მხრივ კი რუსეთს სანქციებს დააკისრებენ.

ლევან ცუცქირიძე - ყველაფერზე მანტრასავით გამეორება - „აბა ომი გინდათ?“, სინამდვილეში ევფემიზმია და „მე რუსეთთან მინდას“ ნიშნავს
ქართული პრესის მიმოხილვა 08.12.2022
ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
კახა ოქრიაშვილი „ქართული ოცნების“ ლიდერების განცხადებებს ეხმაურება
მოასწარი დეკემბერი - სამომხმარებლო სესხზე „ლიბერთის“ ახალი აქცია დაიწყო
„ტყუპების საღვინე სახლი ნაფარეულში“ 25 წლისაა
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს