უმაღლესი რადას ადამიანის უფლებათა კომისრის, ლუდმილა დენისოვას განცხადებით, უკრაინაში, რუსეთის შეჭრის შემდეგ, საომარი მოქმედებების შედეგად, 148 ბავშვი დაიღუპა, ხოლო 232 კი - დაიჭრა, - აღნიშნულის შესახებ ინფორმაციას უკრაინული მედია ავრცელებს.

მათივე ინფორმაციით, უკრაინის დასახლებებში, აქტიური საომარი მოქმედებების ფონზე, დაღუპული და დაშავებული ბავშვების რეალური რაოდენობის დადგენა ამჟამად შეუძლებელია.

როგორც Ukrinform-ი გაეროზე დაყრდნობით იუწყება, უკრაინაში, რუსეთის სრულმასშტაბიანი შეჭრის დაწყებიდან დღემდე, 1179 მშვიდობიანი უკრაინელი მოქალაქე დაიღუპა, ხოლო 1860 კი - დაშავდა.