ჯო ბაიდენი - არ არსებობს მტკიცებულება, რომ პუტინმა გამოიყვანა ჯარი კიევიდან და გადაადგილდება სამხრეთით

აშშ-ის პრეზიდენტმა ჯო ბაიდენმა განაცხადა, რომ ის "სკეპტიკურადაა განწყობილი" იმ ინფორმაციის მიმართ, რომლის თანახმადაც, პუტინი მთელ თავის ძალებს უკრაინის დედაქალაქ კიევის მიმდებარე ტერიტორიიდან გაიყვანს.

აშშ-ის პრეზიდენტის თქმით, არ არსებობს მტკიცებულება იმისა, რომ პუტინმა აღნიშნული გადაწყვეტილება მიიღო.

”ზუსტი პასუხი არ მაქვს, მაგრამ ჯერჯერობით, როგორც ჩანს, მან ყველა ჯარი არ გამოიყვანა. არ არსებობს არანაირი მტკიცებულება, რომ მან გამოიყვანა თავისი ჯარი კიევიდან და გადაადგილდება სამხრეთით“, - განაცხადა ბაიდენმა.

თუმცა, მან ასევე დასძინა, რომ არსებობს ინფორმაცია იმის შესახებ, რომ ვლადიმირ პუტინი "აძლიერებს" თავის ძალებს უკრაინის აღმოსავლეთში, კერძოდ დონბასის რეგიონში.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს