გაერთიანებული სამეფოს თავდაცვის სამინისტროს სადაზვერვო მონაცემებით, რუსეთი საქართველოს ოკუპირებულ ტერიტორიებზე განლაგებული ჯარისკაცების უკრაინაში დისლოცირებას ახორციელებს.
“რუსეთი საკუთარი ძალების ელემენტების საქართველოდან უკრაინაში დისლოცირებას ახორციელებს. 1200-დან 2000-მდე ჯარიკაცის 3x ბატალიონის ტაქტიკურ ჯგუფებად რეორგანიზაცია მიმდინარეობს“, - აცხადებენ ბრიტანეთის თავდაცვის სამინისტროში.
მათი შეფასებით, ნაკლებად სავარაუდოა, რომ რუსეთი ამ ნაბიჯს გეგმავდა.
„ეს ქმედება მიანიშნებს იმ მოულოდნელ დანაკარგებზე, რომელიც რუსეთმა შეჭრის დროს განიცადა,“- აცხადებენ ბრიტანეთის თავდაცვის უწყებაში.