6 და 7 აპრილს, ეიპიემ ტერმინალს ფოთი უმასპინძლებს შავი და კასპიის საზღვაო პორტებისა და გადაზიდვების მე-2 საერთაშორისო გამოფენასა და კონფერენციას, რომელიც შეკვეთილში, სასტუმრო „პარაგრაფში“ გაიმართება, - ამის შესახებ ინფორმაციას ეიპიემ ტერმინალსი ავრცელებს.

მათივე ცნობით, ორდღიან ღონისძიებაში მონაწილეობას მიიღებენ მსოფლიო დონის სატრანსპორტო და ლოგისტიკის 10-ზე მეტი ქვეყნის 25 წარმომადგენელი, რომლებიც განიხილავენ აქტუალურ საკითხებსა და გამოწვევებს, რომლებიც მოიცავს გლობალურ და რეგიონულ ვაჭრობას, ლოგისტიკასა და ინვესტიციებს. ღონისძიებას დაესწრება 150-ზე მეტი საჯარო და კერძო სექტორის წარმომადგენელი ისეთი სფეროებიდან, როგორიცაა ლოგისტიკის სატვირთო გადაზიდვები, სათანადო აღჭურვილობის მწარმოებლები და ინფრასტრუქტურის ოპერატორები შავი და კასპიის საზღვაო სავაჭრო დერეფნის მიღმა და მის ფარგლებს გარეთ.

კონფერენციის პარალელურად გაიმართება გამოფენა, სადაც მონაწილე კომპანიები დამსწრე აუდიტორიას თავიანთ სერვისებსა და შეთავაზებებს გააცნობენ.

დამატებითი ინფორმაცია ღონისძიების პროგრამის შესახებ იხილეთ ბმულზე: http://transportevents.com/EventsLinks/Georgia2022CA.pdf