დიმიტრი პესკოვი ჟერარ დეპარდიეს მიერ პუტინის გაკრიტიკებაზე - დეპარდიეს, დიდი ალბათობით, ბოლომდე არ ესმის რა ხდება

კრემლში ფრანგი მსახიობის ჟერარ დეპარდიეს კრიტიკას უპასუხეს, რომელმაც უკრაინაში შეჭრას გიჟური და მიუღებელი უწოდა.

რუსეთის პრეზიდენტის ვლადიმერ პუტინის პრესმდივნის დიმიტრი პესკოვის განცხადებით, ჟერარ დეპარდიეს ბოლომდე არ ესმის რა ხდება უკრაინაში, იქიდან გამომდინარე, რომ აქტიურად არ ადევნებს თვალს პოლიტიკურ დღის წესრიგს.

პესკოვის თქმით, აუცილებლობის შემთხვევაში რუსული მხარე მზად არის განუმარტოს მას ვითარება.

„ვინაიდან განცხადებაში პრეზიდენტია ნახსენები, მე ვიტყვი, რომ დეპარდიეს, დიდი ალბათობით, ბოლომდე არ ესმის რა ხდება, იმის გამო, რომ ის ბოლომდე არ არის ჩაფლული პოლიტიკურ დღის წესრიგში. მას არ ესმის რა მოხდა 2014 წელს უკრაინაში, არ ესმის რა არის მინსკის შეთანხმებები, არ ესმის რა არის დონეცკი და ლუგანსკი. მას ნაკლებად თუ ესმის, რას ნიშნავს მშვიდობიანი მოსახლეობის დაბომბვა და ნაკლებად თუ იცის ნაციონალისტური ელემენტების შესახებ. საჭიროების შემთხვევაში, ჩვენ მზად ვიქნებით ვუთხრათ ეს ყველაფერი და ავუხსნათ, რომ უკეთ გაიგოს“,- განაცხადა პესკოვმა.

ცნობისთვის, ცნობილი ფრანგი მსახიობის, ჟერარ დეპარდიეს განცხადებით, რუსი ხალხი არ არის პასუხისმგებელი ვლადიმერ პუტინის მსგავსი ლიდერების გიჟურ, მიუღებელ ნაბიჯებზე.

ფრანგმა მსახიობმა რუსეთის მოქალაქეობა 2013 წელს მიიღო.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი