ფინანსთა მინისტრი - საერთაშორისო სავალუტო ფონდის ახალი სამწლიანი პროგრამის შეთანხმება განსაკუთრებით მნიშვნელოვანია საშუალოვადიანი პერიოდის ფისკალური ჩარჩოს სწორი მართვისათვის

საერთაშორისო სავალუტო ფონდის ახალი სამწლიანი პროგრამის შეთანხმება განსაკუთრებით მნიშვნელოვანია საშუალოვადიანი პერიოდის ფისკალური ჩარჩოს სწორი მართვისათვის , - ამის შესახებ ფინანსთა მინისტრმა, ლაშა ხუციშვილმა გამართულ ბრიფინგზე განაცხადა.

როგორც მან განმარტა, აღნიშნული პროგრამის თაობაზე მოლაპარაკებები წარმატებით დასრულდა და ახალი, 289 მლნ აშშ დოლარის მოცულობის დაფინანსების თაობაზე შეთანხმება უახლოეს პერიოდში დასამტკიცებლად წარედგინება საერთაშორისო სავალუტო ფონდის აღმასრულებელ დირექტორთა საბჭოს.

ფინანსთა მინისტრის თქმით, ეს არის საფინანსო ინსტრუმენტი (Stand-By Arrangement) ე.წ.ბუფერული თანხა, რომელიც საჭიროების შემთხვევაში იქნება ათვისებული და წარმოადგენს დაზღვევის მექანიზმს საქართველოს ეკონომიკისთვის.

„2021 წელს ეკონომიკური ზრდის დადებითი ტენდენციების მიუხედავად, მიმდინარე წელს მსოფლიო, რეგიონი და მითუმეტეს საქართველო, ახალი გამოწვევების წინაშე დგას. ფისკალური პოლიტიკის ამოცანაა, არსებული სირთულეების ეფექტური მართვა, მნიშვნელოვანი სტრუქტურული რეფორმების განხორციელება და ამავდროულად, „ეკონომიკური თავისუფლების შესახებ" საქართველოს ორგანული კანონით განსაზღვრული, ფისკალური პარამეტრების საზღვრებში დაბრუნება. ასევე, საყურადღებოა ის სტრუქტურული რეფორმები, რომლის განხორციელების ვალდებულებასაც ვიღებთ ახალი პროგრამის ფარგლებში, მათ შორის, სახელმწიფო საწარმოების მართვის, განათლების, შრომის ბაზრის განვითარებისა და დასაქმების ხელშეწყობის მხრივ", - აღნიშნა ფინანსთა მინისტრმა, ლაშა ხუციშვილმა.

მისი თქმით, 2020-2021 წლებში COVID-19-ის პანდემიის უკიდურესად ნეგატიური ეფექტის მიუხედავად, საქართველომ წარმატებით დაასრულა წინა პროგრამა, რომლის არსებობა უაღრესად მნიშვნელოვანი იყო ანტიკრიზისული პაკეტის შემუშავებისა და სათანადო რესურსების მობილიზებისთვის.

ფინანსთა მინისტრმა სიტყვით გამოსვლისას, გაწეული შრომისა და თანადგომისთვის მადლობა გადაუხადა საერთაშორისო სავალუტო ფონდის მისიას და მის ხელმძღვანელს, ჯეიმს ჯონს, ასევე, ფონდის მუდმივ წარმომადგენელს, სელიმ ჩაკირს და მის გუნდს, ეროვნულ ბანკს, ფინანსთა და ეკონომიკისა და მდგრადი განვითარების სამინისტროებს.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 08.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ