უკრაინამ და რუსეთმა დატყვევებული სამხედროები გაცვალეს. ამის შესახებ ინფორმაციას საინფორმაციო სააგენტო„ფრანს-პრესი“ უკრაინის პრეზიდენტის შტაბის უფროსის მოადგილეზე დაყრდნობით იუწყება.

კირილო ტიმოშენკომ "ტელეგრამის" ვიდეომიმართვაში განაცხადა, რომ გაცვლის შედეგად, 86 სამხედრო მოსამსახურე, მათ შორის 15 ქალი, „უკვე უსაფრთხოდ არიან“.

უკრაინის ვიცე პრემიერ-მა კი განაცხადა, რომ ყველა უკრაინელის დასარბუნებლად იბრძოლებენ.

„მინდა მივმართო ჩვენს ხალხს, ვინც ჯერ კიდევ პატიმრობაში იმყოფება: ჩვენ ვიბრძოლებთ თითოეული თქვენგანისთვის და დაგაბრუნებთ სახლში. გამაგრდით", - აღნიშნა უკრაინის ვიცე-პრემიერმა ირინა ვერეშჩუკმა.

აღნიშნულზე კრემლს კომენტარი ჯერ არ გაუკეთებია, ასევე უცნობია გაცვლის შედეგად, დაიბრუნა თუ არა რუსეთმა ამდენივე სამხედრო.