ვიმუშავებთ რუსულ ენერგიაზე დამოკიდებულების აღმოსაფხვრელად , - ამის შესახებ დიდი ბრიტანეთის საგარეო საქმეთა მინისტრმა ლიზ ტრასმა „ტვიტერის“ საკუთარ გვერდზე შეეთებული შტატების სახელმწიფო მდივან ენტონი ბლინკენთან სატელეფონო საუბრის შემდეგ დაწერა.
„აშშ-ის სახელმწიფო მდივან ენტონი ბლინკენს დღეს უკრაინაში არსებულ ვითარებაზე ვესაუბრე. ჩვენ შევთანხმდით, რომ რუსეთზე ზეწოლა უნდა გაგრძელდეს და ჩვენ ვიმუშავებთ რუსულ ენერგიაზე დამოკიდებულების აღმოსაფხვრელად. ჩვენს მოკავშირეებთან ერთად ჩვენ გავაგრძელებთ უკრაინის მხარდაჭერას”, - აღნიშნა ტრასმა.