თეთრმა სახლმა დაადასტურა, რომ უკრაინას მიაწვდის მასალებსა და აღჭურვილობას იმ შემთხვევაში, თუ რუსეთი ქიმიურ ან ბიოლოგიურ იარაღს გამოყენებისთვის მზადყოფნაში მოიყვანს.
აშშ და მისი დასავლელი მოკავშირეები შიშობენ, რომ რუსეთის პრეზიდენტი ვლადიმერ პუტინი უკრაინის მკაცრი წინააღმდეგობის გასარღვევად ქიმიური იარაღის გამოყენების ბრძანებას გასცემს.
გარდა ამისა, კრემლმა უსაფუძვლო ბრალდებები წამოაყენა შეერთებულ შტატებისა და უკრაინის მიმართ ბიოიარაღთან და ქიმიურ თავდასხმებთან დაკავშირებით, რის გამოც აშშ-ის ოფიციალური პირები შიშობენ, რომ რუსეთი ცრუ დროშის ოპერაციას გეგმავს.
POLITICO-ს ინფორმაციით, აშშ ჩქარობს უკრაინელ სამოქალაქო პირებს გაზის ნიღბები, პერსონალური დამცავი აღჭურვილობა და სხვა მასალები მიაწოდოს, თუმცა კიევმა შეიძლება ამ დამცავი საშუალებების სამხედროებისთვის გაგზავნა გადაწყვიტოს.
ამავე გამოცემის ცნობით, გაურკვეველი რჩება თუ რამდენი მსგავსი აღჭურვილობაა უკვე გაგზავნილი შეერთებული შტატების მიერ უკრაინაში ან მთლიანობაში რამდენის გაგზავნა იგეგმება.