უკრაინის მთლიანი მოსახლეობის დაახლოებით, 10%-მა ქვეყანა დატოვა მას შემდეგ, რაც რუსეთი, 24 თებერვალს უკრაინაში შეიჭრა. დაახლოებით, 4 მილიონი უკრაინელი ლტოლვილი, მეზობელ ქვეყნებში უსაფრთხოებას ეძებს, - ამის შესახებ ინფორმაციას CNN-ი ავრცელებს.

მათივე ინფორმაციით, ლტოლვილთა უმრავლესობა პოლონეთმა მიიღო, რადგან დაახლოებით, 2,4 მილიონი უკრაინელი უსაფრთხოების საძიებლად, დასავლეთისკენ გაემართა.

როგორც CNN-ი იუწყება, გაერო-ს მონაცემებით, რამდენიმე ასეული ათასი უკრაინელი, იმავდროულად, ევროპის სხვა ქვეყნებში, მათ შორის, რუმინეთში, მოლდოვასა უნგრეთში წავიდა.

გაერო-ს ლტოლვილთა უმაღლესმა კომისარმა (UNHCR) ფილიპო გრანდიმ, ლტოლვილების მიერ, უკრაინის დატოვებას ,,მეორე მსოფლიო ომის შემდეგ, ევროპაში ყველაზე სწრაფად მზარდი ლტოვლილთა კრიზისი" უწოდა.