ჩვენ, მთელი ჩვენი მიწისთვის, აუცილებლად მივაღწევთ მშვიდობას, - ამის შესახებ, უკრაინის პრეზიდენტმა ვოლოდიმირ ზელენსკიმ, რამადანის დღესასწაულზე საუბრისას, მის ვიდეო მიმართვაში ისაუბრა.

ზელენსკის თქმით, რამადანს გულწრფელი ლოცვა, კეთილი საქმე და შენდობა ახასიათებს, მაგრამ უკრაინის შემთხვევაში, ამ ყველაფერს ბრძოლაში მყოფების ერთგულებაც ემატება.

,,2 აპრილს, უკრაინელი მუსლიმები, მსოფლიოს ყველა მუსლიმთან ერთად, რამადანის წმინდა თვეს აღნიშნავენ. ამ თვეს გულწრფელი ლოცვები, შენდობა და კეთილი საქმეები ახასიათებს, მაგრამ უკრაინაში, კიდევ ერთი სათნოება ემატება - ბრძოლებში, თქვენი ძმებისა და ხალხის ერთგულება, უკრაინის თავისუფლებისთვის ბრძოლებში, ჩვენს ომში, დამოუკიდებლობისთვის, სადაც ჩვენ, აუცილებლად გავიმარჯვებთ, ჩვენ, მთელი ჩვენი მიწისთვის, აუცილებლად მივაღწევთ მშვიდობას", - განაცხადა ზელენსკიმ.