ალექსეი არესტოვიჩი ბელგოროდში ხანძარზე - იქნებ ვიღაცამ არასწორ ადგილას მოწია, ან იქნებ რუსი სამხედროები აწყობენ საბოტაჟს და არ სურთ უკრაინის ტერიტორიაზე შემოსვლა

იქნებ ვიღაცამ მოწია არასწორ ადგილას, იქნებ რუსი სამხედროები უწყობენ საბოტაჟს ბრძანების შესრულებას და არ სურთ უკრაინის ტერიტორიაზე შემოსვლა, - ასე გამოეხმაურა უკრაინის პრეზიდენტის ოფისის ხელმძღვანელის მრჩეველი ალექსეი არესტოვიჩი რუსეთის ქალაქ ბელგოროდში საწვავის საცავში გაჩენილ ხანძარს.

არესტოვიჩის განმარტებით, უკრაინის სამხედრო-პოლიტიკური ხელმძღვანელობა ყველა თავდაცვით ხერხს იყენებს ქვეყნის ტერიტორიის დასაცავად, თუმცა ის, რაც ხდება რუსეთის ფედერაციის ტერიტორიაზე მხოლოდ რუსეთის ხელისუფლების პასუხისმგებლობაა.

„ძვირფასო მეგობრებო, ძალიან ბევრი საუბარია იმაზე, რომ ბელგოროდში რაღაც ფეთქდება, იწვის, რაღაც პანიკა აქვთ და ა.შ. რა მინდა გითხრათ ბელგოროდთან დაკავშირებით, უკრაინის სამხედრო-პოლიტიკური ხელმძღვანელობა ყველა ხერხსა და მეთოდს იყენებს, რათა უზრუნველყოს უკრაინის, ჩვენი ქვეყნის ტერიტორიული მთლიანობის, ხელშეუხებლობისა და მშვიდობის დაცვა. ჩვენ თავდაცვით საბრძოლო მოქმედებებს ვაწარმოებთ ჩვენს ტერიტორიაზე და იმაზე, რაც ხდება რუსეთის ფედერაციის ტერიტორიაზე, პასუხისმგებლობა რუსეთის ხელისუფლებას ეკისრება. როგორც ჩანს, ისინი უნდა გაერკვნენ, რა ხდება ბელგოროდში. იქნებ ვიღაცამ მოწია არასწორ ადგილას, იქნებ რუსი სამხედროები უწყობენ საბოტაჟს ბრძანების შესრულებას და არ სურთ უკრაინის ტერიტორიაზე შემოსვლა. ყოველ შემთხვევაში, მთელი პასუხისმგებლობა რუსეთის ფედერაციის ტერიტორიაზე მომხდარზე, ეკისრება რუსეთის ხელისუფლებას, მათკენ მიმართეთ ყველა კითხვა“, - განაცხადა არესტოვიჩმა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება