კახა ლაბუჩიძის ინიციატივით, საბავშვო წიგნის საერთაშორისო დღისადმი მიძღვნილი ღონისძიება გაიმართა

თბილისის საკრებულოს განათლებისა და კულტურის კომისიის თავმჯდომარის, კახა ლაბუჩიძის ინიციატივით, ბავშვთა წიგნის საერთაშორისო დღისადმი მიძღვნილი ღონისძიება გაიმართა. ამის შესახებ ინფორმაციას თბილისის საკრებულო ავრცელებს.

მათივე ცნობით, კომისიის თავმჯდომარემ, საკრებულოს წევრ ნინო რუხაძესთან ერთად, საბავშვო მხატვრული ლიტერატურა და სათამაშოები გადასცა სასტუმრო "ივერია ინნ"-ში მცხოვრებ უკრაინელ ბავშვებს.

„რომ არა საომარი ვითარება უკრაინაში, საბავშვო წიგნის საერთაშორისო დღეს სხვა მასშტაბის ღონისძიებად ვაქცევდით როგორც საქართველოში, ისე - უკრაინაში. სოლიდარულები ვართ უკრაინის მიმართ. სოლიდარობის ნიშნად მუნიციპალურ და საგანმანათლებლო სერვისებზე უფასო და გამარტივებული რეგისტრაცია დავაწესეთ. ისიც მნიშვნელოვანია, რომ ყველაზე რთულ დროს, ბავშვებს, წიგნის სიყვარულს ვასწავლით. რადგან სადაც წიგნის სიყვარულია, იქ ომი არ იწყება“, - განაცხადა კახა ლაბუჩიძემ.

საკრებულოს წევრის, ნინო რუხაძის განცხადებით, საბავშვო წიგნის საერთაშორისო დღე, ყველაზე მნიშვნელოვან ადგილას აღინიშნა, სასტუმრო „ივერია ინნ“-ში, სადაც 180-მდე კომპაქტურად დასახლებული უკრაინული ოჯახი ცხოვრობს, საიდანაც 20 არასრულწლოვანია.

„დღევანდელი დღე სასტუმროში მცხოვრები უკრაინული ოჯახებისთვის მნიშვნელოვანია. ეს დღე მათ აძლევს იმის რწმენას, რომ სამყარო მაინც მშვენიერია, რომ სიკეთე ყოველთვის იმარჯვებს ბოროტებაზე და რომ, ნათელი ყოველთვის ძლევს ბნელს“, - განაცხადა ნინო რუხაძემ.

საკრებულოს პრესსამსახურის ინფორმაციით, ღონისძიების სპონსორია ონლაინ-მაღაზია "BOOKSALE.GE"/ბუქსეილ.ჯი", რომელმაც უკრაინელი ბავშვებისთვის წიგნები ინდივიდუალურად, ასაკის გათვალისწინებით შეარჩია.

ყოველწლიური ღონისძიების დამფუძნებელია საყმაწვილო ლიტერატურის საერთაშორისო ორგანიზაცია (IBBY). საბავშვო წიგნის საერთაშორისო დღე 1967 წლიდან აღინიშნება და ემთხვევა ცნობილი პოეტის და მეზღაპრის, ჰანს კრისტიან ანდერსენის დაბადების დღეს.

ლევან ცუცქირიძე - ყველაფერზე მანტრასავით გამეორება - „აბა ომი გინდათ?“, სინამდვილეში ევფემიზმია და „მე რუსეთთან მინდას“ ნიშნავს
ქართული პრესის მიმოხილვა 08.12.2022
ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
კახა ოქრიაშვილი „ქართული ოცნების“ ლიდერების განცხადებებს ეხმაურება
მოასწარი დეკემბერი - სამომხმარებლო სესხზე „ლიბერთის“ ახალი აქცია დაიწყო
„ტყუპების საღვინე სახლი ნაფარეულში“ 25 წლისაა
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს