წითელი ჯვარი დღეს კიდევ ერთხელ შეეცდება ოკუპანტების მიერ ალყაში მოქცეული მარიუპოლიდან მშვიდობიანი მოსახლეობის ევაკუაციას.
წითელი ჯვრის პრესსპიკერის განცხადებით, გუნდი უკვე მიემართება ზაპოროჟიედან მარიუპოლის მიმართულებით.
„ჩვენი გუნდი დღეს დილით ზაპოროჟიედან მარიუპოლის მიმართულებით დაიძრა. ამ მომენტისთვის მეტი ინფორმაციის მოწოდება არ შემიძლია“, - განაცხადა პრესსპიკერმა.
ცნობისთვის, მარიუპოლის ალყაში ჯერ კიდევ რჩება 160 ათასი მშვიდობიანი მოქალაქე.
გუშინ წითელი ჯვარმა სისრულეში ვერ მოიყვანა ევაკუაციის გეგმა და ვერ მოახერხა 54 ავტობუსისა და დამატებით მანქანების გაგზავნა იმის გამო, რომ უსაფრთხოების გარანტიები ვერ მიიღო.