უკრაინის თავდაცვის სამინისტროს სადაზვერვო სამმართველოს ინფორმაციით, იზიუმის რაიონში ადგილობრივები რუს ჯარისკაცებს მოწამლული ნამცხვრებით „გაუმასპინძლდნენ“, 500-მდე სამხედრო კი ალკოჰოლითაა მოწამლული

უკრაინის თავდაცვის სამინისტროს მთავარი სადაზვერვო სამმართველოს ინფორმაციით, ხარკოვის ოლქის იზიუმის რაიონში ადგილობრივები რუს ჯარისკაცებს მოწამლული ნამცხვრებით და ღვეზელით „გაუმასპინძლდნენ“. გარდა ამისა, უკრაინული შეიარაღებული ძალების მიერ ვრცელდება ინფორმაცია იმის შესახებ, რომ ასეულობით ოკუპანტი ალკოჰოლური ინტოქსიკაციით საავადმყოფოშია გადაყვანილი.

უკრაინელები ოკუპანტებს ყველა შესაძლო საშუალებებით ეწინააღმდეგებიან. არსებული ინფორმაციით, იზიუმის რაიონის (ხარკოვის ოლქი) ადგილობრივი მცხოვრებლები რუსეთის ფედერაციის მე-3 მოტომსროლელი დივიზიის ჯარისკაცებს მოწამლული ღვეზელებით „გაუმასპინძლდნენ“. შედეგად, ორი მათგანი მაშინვე გარდაიცვალა, კიდევ 28 იმყოფება რეანიმაციაში. მათი ამჟამინდელი სტატუსი ზუსტდება.

„რუსეთის ფედერაციის მე-3 მოტომსროლელი დივიზიის კიდევ 500-მდე სამხედრო მოსამსახურე გაურკვეველი წარმოშობის მძიმე ალკოჰოლური სასმლით მოწამვლის შედეგად საავადმყოფოებში იმყოფება. რუსეთის სარდლობა ამ შემთხვევებს ე.წ. „არასაბრძოლო დანაკარგებად“ აღწერს“, - ნათქვამია უკრაინის თავდაცვის სამინისტროს მთავარი სადაზვერვო სამმართველოს განცხადებაში.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი