უკრაინის პრეზიდენტი, ვოლოდიმირ ზელენსკი აცხადებს, რომ რუსეთის საოკუპაციო ძალებს ახლა მთელი დონბასის და სამხრეთ უკრაინის აღება სურთ.
„ჩვენი დამცველები აგრძელებენ კონტროლის აღდგენას კიევისა და ჩერნიგოვის ოლქების დასახლებებზე. დროებით ოკუპირებულ ტერიტორიებზე სულ უფრო მეტი უკრაინის ეროვნული დროშა ჩნდება,“- აღნიშნა ზელენსკიმ.
მისი თქმით, უკრაინის შეიარაღებული ძალები არ უშვებენ დამპყრობლებს უბრძოლველად. აყენებენ ზარალს და ანადგურებენ ყველას, ვისაც წვდებიან.